Монгол үндэсний гэр буюу нүүдэлчдийн гэр сууцтай холбоотой тоолж баршгүй олон үлгэр домог, аман яриа байдаг билээ. Тэдгээрийн дийлэнх нь хүн байгальтай зохицон аж төрөх нүүдэлчин амьдралын төгс хэвшлийн тухай өгүүлдэг. Европын соёл иргэншлээс алс хол, эртний нүүдэлчин Монголчууд “байгаль дэлхийтэй зохицон амьдрах” үзэл санааны мөн чанарыг соёл, ахуй амьдралдаа гайхамшигтайгаар хослуулан аж төрж байв.

Зөвхөн нэг талын хэрэгцээг хэт баримтлах нь өрөөсгөл арга замаар төгс амьдралыг цогцлоох туйлын зорилтод хүргэдэг. Харамсалтай нь цогц бодлого зохицуулалт хангалтгүй, өөр өөрийн эрс тэрс дүр төрхтэй өндөр барилгууд өсөн нэмэгдэж буй нийслэл Улаанбаатар хот, Монголын шинэ архитектурт энэхүү өрөөсгөл явц тод илэрсээр байна.

Албан тооцоогоор жил бүр 40 мянга гаруй оршин суугч нүүдэллэн ирж суурьшиж буй нийслэл Улаанбаатар хотод дэд бүтцийн ачаалал, гэр сууцны бүсүүдийн газрын даац нэмэгдснээс үүдэлтэй хүрээлэн буй орчинд үүсэх сөрөг үр дагаварууд нэмэгдсээр байна. 2012 - 2013 онд инженерийн дэд бүтцийн ажиллагаа ачааллаа гүйцэхгүйд хүрэх урьдчилсан тооцоо байдаг. Энэ мэтчилэн Улаанбаатар хотод нийгэм, соёл, бүтээн байгуулалтын хувьсал явагдсаар байна.

Зорилго:

Тус зуны сургалтын гол зорилго нь архитектур, хотын түүх болон Монголын өвөрмөц соёл ахуй, орон зайн хувьслыг судлаж (1-р үе шат), Гандантэгчинлин хийд орчмын нутаг дэвсгэрт тулгуурласан хот төлөвлөлтийн зарчим боловсруулах (2-р үе шат) -д чиглэнэ. Үүний тулд өнөөгийн Улаанбаатар хот төдийгүй Монголд явагдаж буй нийгэм, соёл, архитектурын өөрчлөлтийг цогцоор авч үзэх юм. Мөн “Зуны Сургалт 2011” арга хэмжээний хүрээнд дээрх хувьсал өөрчилөлтийн асуудлуудаар 6-р сарын 18-ний өдөр Монгол Улсын Шинжлэх Ухаан Технологийн Их Сургууль (МУШУТИС) болон Дрездений Техникийн Их Сургуул (ДТИС) -ийн эрдэмтэн судлаачид, Монгол улсын холбогдох яамд, Нийслэлийн Барилга Хот Байгуулалт Төлөвлөлтийн Газар (НБХБТГ) –ын мэргэжилтнүүдийн хамтарсан хурал зохион байгуулагдана. Хурлын үйл ажиллагаа нь зохион байгуулж буй их сургуулиудын оюутан, судлаачид болон холбогдох байгууллагуудын судлаач, мэргэжилтнүүдэд нээлттэй байна.
Сургалтын явцад гүйцэтгэсэн судалгааны ажил, төлөвлөлтийн зарчмууд болон хурлын үйл ажиллагаанаас гарах үр дүнг нэгтгэж хэвлэн нийтлэх болно.

Урилга:
ХБНГУ-ын соёлын байгууллага Гёте-Институт таныг 6-р сарын 18-ны өдөр зохиогдох дээрх хурлын үйл ажиллагаанд хүрэлцэн ирж өргөнөөр оролцохыг урьж байна.

Сэдвийн түлхүүр үгс: Монгол соёл, соёлын өөрчлөлт, нийгэм, ёс заншил, барилгын түүх, хот төлөвлөлт, ирээдүйн төлөвлөлтийн зарчмууд, суурьшлийн бүтэц, цаг уурын өөрчлөлт

Хаяг: info@ulanbator.goethe.org, (http://gervsskyscraper.blogspot.com),

The International Union of Architects (UIA) invites students who study architecture around the world to an international design competition under the theme “DESIGN 2050” of UIA2011 TOKYO. The competition will seek the excellent design solutions to the following four themes.
The winner of the competition will make presentation of their proposals in UIA2011 TOKYO scheduled to be held in September 2011.

DETAILED INFORMATION

APSA 2011 cordially invites proposals for individual papers. Abstracts should contain the central theme (title) and 3-5 keywords in 500 words and be submitted by online from the mid-December 2010. Proposals will preferably address one or more of the sub-themes on the official web page.

Participants who wish to make scientific contributions are invited to submit abstracts via Web Site. Dead line for Abstract Submission is February 15, 2011.

The abstract must be written in English and contain a brief, clear statement of conclusion.
The name of the presenting author must appear first on the list of authors.
The abstract body should be approximately 500 words.
Abstracts sent by fax or e-mail cannot be accepted.

RECRUITMENT GUIDLINES

Мэргэшсэн Архитекторыг баталгаажуулах тогтолцоо. Япон улс

Дэлхийн 2-р дайны дараа төдийлөн удалгүй буюу 1950 онд Япон Улсын Архитектор болон Барилгын Инженерийн Хуулийг яаравчлан батласан байдаг. 2005 оны үеээр удаа дарааллаж тохиолдсон хүчтэй газар хөдлөлтүүд тухайн хуулийг эргэн авч үзэх зайлгүй шаардлагатайг харуулсан хэдий ч холбогдох яамнаас (Газар, Дэд бүтэц, Зам Тээврийн Яам – Ministry of Land, Infrastructure and Transport) шаардлагатай шинжилгээ судалгаануудыг хийж явсаар 2008 оны 12 сард шинэ хуулийг батласан байна.
Улсын хэмжээнд мэргэшсэн архитекторын эрх эзэмших 3 шатлал байдаг. 1-р зэргийн архитектор, 2-р зэргийн архитектор, модон хийцтэй барилгын архитектор гэсэн 3 шат байдаг бөгөөд одоогоор дээрх эрхүүдийг эзэмшисэн 1 сая гаруй архитектор үйл ажиллагаа явуулж байна.

• 1-р зэргийн архитектор:
  Бүх төрлийн барилга байгууламжын зураг төсөл зохион бүтээх зөвшөөрөлтэй архитекторууд юм. Энэ зэрэглэлд нийт 329,508 архитектор бүртгэлтэй байна. 4 жилийн архитектурын сургалтаар төгссөний дараа хамгийн багадаа 2 жилийн ажил дээрх туршлага эзэмшисэн мэргэжилтнүүд энэ шатны шалгалтанд хамрагдах боломжтой. Шалтгалтыг онол, практикийн асуултууд, өгөгдсөн даалгаварын дагуу төлөвлөлт зохиож, гүйцэтгэх гэсэн хэмжүүрүүдээр зохион байгуулдаг. Сүүлийн жилүүдэд нийт шалтгалтанд хамрагдагсдын 10% нь амжилттай шалгарч байна.
  2-р зэргийн архитектор:
  Хэмжээ, хийц болон үйл ажиллагааны хувьд заагдсан барилга байгууламжуудын зураг төсөл зохион бүтээх зөвшөөрөлтэй архитекторууд юм. Энэ зэрэглэлд нийт 706,219 архитектор бүртгэлтэй байна.
  Модон хийцтэй барилгын мэргэшсэн архитектор:
  4 жилийн архитектурын сургалтаар төгссөний дараа энэ шатны мэргэшсэн архитекторын шалгалтанд хамрагдах боломжтой. Одоогоор нийт 15,664 архитектор бүртгэлтэй байна.

Архитектор ба Барилгын Инженерийн Шинэчилэн Хуулийн чухал заалтууд:
Шинэ хууль батлагдахаас өмнө мэргэшсэн архитекторын эрх олгох шалгалтын тулгуур хэсэг болох мэргэжлийн боловсрол эзэмшисэн гэрчилгээг магадлан итгэмжилэгдсэн сургууль, тухайн сургууль дээрх салбарын шалгуурыг үндэслэн шалгалтанд хамруулдаг байсан. Харин сургууль тус бүрийн сургалтын төлөвлөгөөний харилцан ялгаатай байдлаас хамаарч салбар тус бүрийн төлөвлөгөөнд заавал байх тодорхой тооны мэргэжлийн хичээлүүдийн кредитийг үнэдсэлэж дараагийн шатны шалгалтанд оролцуулахаар шинэчилэн заасан байна.

Мэргэшсэн Архитекторын Гэрчилгээ нь архитектруын зураг төсөл зохиох, барилга угсралтын ажилд хяналт шалгалт явуулах (барилгын талбайн инженерийн ажил биш) эрхийг итгэмжилсэн албан ёсны гэрчилгээ юм. Энэ үүднээс авч үзвэл барилгын зураг төсөл зохиох, угсралтад хяналт шалгалт явуулахаас бусад барилга байгууламжтай холбоотой үйл ажиллагаанууд нь архитекторын хариуцлагаас гадна үлдсэн байдал нь хуулийн дутагдалтай тал гэж үздэг.
Магистерийн шатны сургалтыг дүүргэсэн архитекторууд ажил дээрх 2 жил мэргэжлийн дадлага эзэмшисэн эрхийг шууд дүйцүүлэн авдаг байсан бол шинэчилсэн хуулиар сургууль төгссөний дараа ажил дээр заавал туршлага эзэмшисэн байх ёстойг хуульчилсан байдаг. Магистерийн шатны академик сургалтын хөтөлбөр нь бодит ажил дээрх дадлага туршлагатай ижил хэмжүүрт байх боломжгүй юм.

Удирдах Архитекторуудад тавигдах шаардлага:
2008 оноос өмнө мэргэшсэн архитекторын зэрэг авснаар Удирдах Архитекторын гэрчилгээг зэрэг авдаг байсан бөгөөд энэхүү гэрчилгээг үндэслэн Архитектурын Оффис (зураг төсөл зохиох байгууллага) байгуулдаг байсан. Шинэ хуулийн дагуу Удирдах Архитекторын зэрэг эзэмшихийн тулд 4 жилийн сургалтын дараа 3 буюу түүнээс олон жил мэргэжлийн дадлага туршлага эзэмжшисний дараа Удирдах Архитекторын Сургалтанд хамрагдаж төгссөн байх шаардлагай болсон.

Хийц бүтээцийн инженер болон механикийн инженер:
1-р зэргийн хийцийн инженер:
Том хэмжээний барилга байгууламжуудын зураг төсөл, өндөр зэрэглэлийн хийц бүтээцийн тооцоог иж бүрэн гаргах шаардлагатай байдаг хэрэгцээг үндэслэн 1-р зэргийн архитекторын дараагийн шатны зэрэглэл нь 1-р зэргийн хийцийн инженер юм. 1-р зэргийн архитекторын зэргээр 5 жил ажилласаны дараа тусгай бэлтгэгдсэн сургалтанд хамрагдаж шалгарснаар энэхүү зэргийг эзэмжшидэг байна.
1-р зэргийн механикийн (халаалт, салхивчийн) инженер
Том хэмжээний барилга байгууламжуудын зураг төсөл, өндөр зэрэглэлийн механикийн тооцоог иж бүрэн гаргах шаардлагатай байдаг хэрэгцээг үндэслэн 1-р зэргийн архитекторын дараачын шатны зэрэглэл нь 1-р зэргийн механикийн инженер юм. 1-р зэргийн архитекторын зэргээр 5 жил ажилласаны дараа тусгай бэлтгэгдсэн сургалтанд хамрагдаж шалгарснаар энэхүү зэргийг эзэмжшидэг байна.

Дайны дараах бүтээн босголтын хэрэгцээ шаардлагад нийцүүлэн итгэмжлэгдсэн архитекторын тогтолцоогоор аюулгүй ажиллагааг хангасан барилга байгууламжуудыг их хэмжээгээр барьж гүйцэтгэхэд норм, дүрмийн дагуу шаардлага хангасан зураг төсөл ихээр зохион бүтээх зорилго дээр үндсэлэж байсан. Өөрөөр хэлбэл чанараас илүүтэй хэмжээг бүх шатанд үндэс болгож байв. Гэсэн хэдий ч эдийн засгийн өсөлт тогтмол хэмжээнд хүрч анхны дүр зураг өөрчлөгдөхийн хэрээр барилга байгууламжид архитектур төлөвлөлт, хийц бүтээцийн уялдааг чухалчилж авч үзэх болсон.

Мэргэшсэн Архитекторыг баталгаажуулах тогтолцоо. Өмнөд Солонгос улс

Бүгд Найрамдах Солонгос Улс буюу Өмнөд Солонгосын Газар, Зам тээвэр, Далайн хэрэг эрхлэх Яам (Ministry of Land, Transport and Maritime Affairs) -ны 2008 оны тоо баримтад бичигдсэнээр мэргэшсэн архитекторын бүртгэлтэй 16,587 архитектор тус улсад ажиллаж байна. 2009 оны 9 сард явагдсан шалгалтанд 5,633 архитектор хамрагдсанаас 8.1% буюу 454 архитектор шалгалтанд тэнцэж мэргэшсэн архитекторын гэрчилгээ авчээ. Мэргэшсэн архитекторыг баталгаажуулах тогтолцоо (Architect Qualification Examination) нь:
Барилга, байгууламж баригдах газар нутгийн төлөвлөлт, зураг төсөл
Барилга, байгууламжын төлөвлөлт зураг төсөл, 1-р хэсэг
Барилга, байгууламжын төлөвлөлт зураг төсөл, 2-р хэсэг гэсэн үндсэн хэсгүүдээс бүрддэг. Шалгалт нийтдээ 9 цагийн турш явагддаг.

Эдгээрээс өмнө тухайн шалгалтанд хамрагдаж байгаа архитектор өөрийн ажиллах архитектурын чиглэлээ сонгосон байх шаардлагатай буюу
Архитектур төлөвлөлт,
Барилгын хийц бүтээц,
Барилгын угсралт,
Барилгын норм дүрмийн Захиалгат Шалгалт (Architect’s Reserve Examination) -ыг урьдчилан хамгаалсан байх шаардлагатай.

Одоогийн мөрдөгдөж байгаа тогтолцооны дагуу их сургуулийн сургалтыг (4 жил) дүүргэсэн мэргэжилтэн тодорхой хугацааны ажил дээрх дадлага шаардлагагүйгээр Захиалгат Шалгалтыг өгөх эрхтэй. Гэхдээ энэ нь зөвхөн их сургуулийн боловсрол эзэмшисэн мэргэжилтэнд хамаарна.
Солонгост архитектурын мэргэжил эзэмшүүлэх бүрэн дунд сургууль (3жил), коллеж (4 жил) -ийн тогтолцоо мөн байдаг боловч эдгээр шатны сургалтуудыг дүүргэсний дараа шууд Захиалгат Шалгалт өгөх боломжгүй байдаг.
Архитекторын Захиалгат Шалгалтыг хамгаалсны дараа 5 жилийн ажил дээрх дадлага туршлага эзэмшиж байж Мэргэшсэн Архитекторын шалгалтанд (Architect Qualification Examination) хамрагдах эрхтэй болох бөгөөд тэнцсэн тохиолдолд Мэргэшсэн Архитекторын Гэрчилгээ авдаг. Энэхүү гэрчилгээ эзэмшигч нь харгалзах яаманд бүртгүүлээд Архитектур зураг төслийн үйлчилгээ үзүүлэх байгууллага байгуулах боломжтой. 2008 оны байдлаар бүртгэлтэй 3,467 оффис үйл ажиллагаа явуулж байсан (үүнээс 998 нь Сөүлд).

2002 онд Берлин хотноо хуралдсан UIA-ийн Их Хурлаас батлагдсан “Архитектурын боловсролд тавигдах шаардлагууд”, “UNESCO – UIA Архитектурын боловсролын магадлан итгэмжилэл” баримт бичгүүдийг үндэслэн 2003 оноос Солонгосын зарим их дээд сургуулиуд 5 жилийн сургалтын тогтолцоо, эсвэл 4 жилийн анхан шатны + 2 жилийн магистерийн шатны үргэлжилсэн сургалтын тогтолцоонд (нийт заавал 6 жил) шилжиж эхлэсэн. Мөн архитектур дизайнаас бусад салбар буюу барилгын хийц бүтээц, угсралт зохион байгуулалт, халаалт салхивчийн инженерийн салбаруудыг Архитектур Инженерийн (Architectural Engineering) салбарт нэгтгэн зохион байгуулсан. Одоо их сургуулиудад Архитектурын болон Архитектур Инженерийн салбаруудаар холбогдох сургалтуудыг зохион байгуулж байна.

Мэргэшсэн Архитектор болон Хот төлөвлөлтийн инженерийг баталгаажуулах, бүртгэх тогтолцоо. Тайвань

Тайваны Хяналт Шалтгалтын Хэрэг Эрхлэх Яамаас мэргэшсэн ахлах мэргэжилтнүүдийн үйл ажиллагааг баталгаажуулах, бүртгэх үйл ажиллагааг хариуцдаг байна. Иргэний байгууламжуудын инженер, хийц бүтээцийн инженер, геотехникийн инженер, хот төлөвлөлтийн инженер, архитекор гэх мэтчилэн нийт 32 төрлийн мэргэжлээр бие даан мэргэжлийн үйл ажиллагаа явуулах эрх олгодог. Сүүлийн байдлаар 2009 оны 5 сарын 15 нд тус яамнаас “Мэргэжлийн болон Техникийн ажилтанг баталгаажуулах Ахлах Шалгалтын Дүрэм: Архитектор мэргэжлээр” албан ёсны дүрмийг батласан байна.

Архитектор:
Шалгалтыг жил бүрийн 12 сард зохион явуулдаг. Тус бүр хэсгүүдэд хуваагдсан 6 шатаар шалгадаг бөгөөд шат бүрийн амжилттай хамгаалсан оноог дараагийн 3 жилийн дотор хүчинтэйд тооцдог. Өөрөөр хэлбэл аль нэг шатанд тэнцээгүй тохиолдолд 3 жилийн дотор зөвхөн тухайн шатны шалгалтыг өгөх эрхтэй байдаг.
2008 оны тоо баримтаар 2,863 мэргэжилтэн тус шалгалтанд хамрагдсанаас 265 нь тэнцсэн үзүүлэлттэй байна. 2009 оны байдлаар 6,261 мэргэшсэн архитектор үйл ажиллагаа явуулж байна (Тайваны нийт хүн ам 23,100,000)

Хот төлөвлөлтийн инженер:
2008 оны 1 сарын 25 нд “Мэргэжлийн болон Техникийн ажилтанг баталгаажуулах Ахлах Шалгалтын Дүрэм: Хот төлөвлөлтийн инженер мэргэжлээр” албан ёсны дүрмийг батласан. Хот төлөвлөлтийн инженер чиглэлээр мэргэшсэн инженерийн зэргийг 4 төрлөөр баталгаажуулдаг. Шалгалтыг мэргэшсэн архитекторын зэрэг олгох шалгалттай ижил дүрмээр зохион явуулдаг.
2008 оны тоо баримтаар 358 мэргэжилтэн тус шалгалтанд хамрагдсанаас 33 нь тэнцсэн үзүүлэлттэй байна. 2009 оны байдлаар 172 мэргэшсэн хот төлөвлөлтийн инженер үйл ажиллагаа явуулж байна.

Архитектурын оффис байгуулах эрхийг мэргэшсэн архитекторын зэрэг авсны дараа 2 буюу түүнээс дээш жил ажилласан туршлагыг үндэслэж шалгалтаар баталгаажуулдаг байна. Сүүлийн жилүүдэд дээрх хоёр чиглэлээс гадна Ландшафт архитекторын зэрэг олгох дүрмийг боловсруулах ажил явагдаж байна.

Сурвалж: Journal of Asian Urbanism ISSN 1883-6488 No.2

The UIA2011 TOKYO Academic Program will provide architects, engineers, researchers and students from all over the world the opportunity to express their opinions related to one of three sub themes of UIA2011 TOKYO:

1. Environment,

2. Cultural Exchange and

3. Life,

in two presentation categories: research papers and design works.
The deadline of abstract submission is October 31, 2010. The authors whose abstracts have been accepted will conduct an oral or poster presentation in the UIA2011 TOKYO Academic Program from September 26 through 28, 2011.
For details, please refer to the recruitment guidelines.

Recruitment Guidlines

ЮУНЫ ӨМНӨ ӨӨРИЙН ЦАГ ЗАВАА ЗАРЦУУЛАН ЭНЭХҮҮ СУДАЛГААНД ОРОЛЦСОН ТАНД МАШ ИХ БАЯРЛАЛАА!

Судалгааны асуултууд өргөн хүрээг хамарч чадаагүй, хамрагдсан иргэдийг санамсаргүй хэлбэрээр сонгох боломж бага байсан гэх мэтчилэн арга зүйтэй холбоотой дутагдал байгаа хэдий ч гаргаж авсан тодорхой хэмжээний үр дүнг цаашдын судалгаандаа ашиглах болно.

Зөвхөн цахим хэрэглэгчдийн дунд явагдсан судалгааны дүн гэдэгийг анхаарна уу.
Мөн судалгааны дүгнэлтүүд нь та бидний хэдийнэ сайн мэддэг асуудлууд боловч “ЗОХИСТОЙ ТӨЛӨВЛӨГДСӨН ХОТ ЯМАР БАЙХ ВЭ?” ГЭСЭН АСУУЛТЫН ҮҮДНЭЭС АВЧ ҮЗВЭЛ ХЭРХЭН ХАРАГДАХ талд дөхөм мэдээлэл болоосой гэж дараах товч дүнгэлтүүдийг нийтлэж байна.

Төвийн 6 дүүргийн оршин суугчдаас хамрагдсан байдлыг нь авч үзвэл тооцоолж байснаас хол зөрсөнгүй. Баянгол дүүрэг, Сонгинохайрхан дүүрэг буюу Улаанбаатар хотын баруун бүсээс төвийг чиглэсэн хөдөлгөөн харьцангуй их байна. Тээврийн хэрэгсэл, зорчилтын төрлийн хувьд хувийн автомашинаар, таксигаар буюу хувийн тээврийн хэрэгслээр зорчих зорчилт харьцангуй их. Удаад нь нийтийн тээврийн хэрэгсэл - том оворын автобусаар зорчилт зонхилж байна.
Нийтийг хамарсан хувийн автомашины хэрэглээ нь хувь хүний зорчилтыг өндөр түвшинд хүргэдэг хэдий ч эдийн засагт үлэмж эрэлтийг үүсгэдэг. Үүнд АНУ-ын хотуудын жишээг харж болох юм. Мөн хөгжиж байгаа орнуудын хувьд цаашид хүрээлэн буй орчинд ихээхэн сөрөг үр дагаваруудыг дагуулдаг.
Хүн ам харьцангуй бага, жижиг хотуудын хувьд Чиглэлийн нийтийн тээврийн хүртээмж, Нийтийн тээвэрийн хүртээмж, Зорчилтын олон төрөл (УБ-ын хувьд зуны улиралд хувийн болон түрээсийн унадаг дугуй гэх мэт) –ийн хүртээмж, Явган зорчилт гэсэн дарааллыг хувийн автомашины хэрэглээтэй зохистой хослуулж төлөвлөлтөд тусгах нь үр дүнтэй байх болно. Улаанбаатар хотын хувьд байгаль цаг уурын онцлог нь төлөвлөлтийн бүхий л түвшинд онцгойлон авч үзэх шаардлагатай нэг нөхцөл юм.

Хариултуудын дагуу дийлэнхдээ оффисын албан ажилтнууд, оюутнууд, хувийн үйл ажиллагаа эрхлэгчид өдөр бүр зурагт улаанаар тэмдэглэгдсэн хэсгүүд хүртэл зорчилт хийдэг байна (интернэт хэрэглэгчдийн хүрээнээс хамаараад ажил эрхлэлтийн болон цаашлаад ажлын байршлын талаарх хариултууд хязгаарлагдмал юм).

Тэд өдөр бүр ажилдаа явахдаа ихэвчлэн доорх зурагт улаанаар тэмдэглэгдсэн хэсэгүүдэд зорчилт, хөдөлгөөнтэй холбогдсон хүндрэлүүдтэй учирдаг.

Хариултуудын дагуу санал асуулгад оролцогчид дурын зорилгоор, хүссэн үедээ зорчихдоо доорх зурагт улаанаар тэмдэглэгдсэн хэсгүүдэд хүрч очход илүү хүндрэлтэй байдаг байна.
Учир нь:
- Автомашинаар хүрч очиход тойруу замтай, дөт зам байдаггүй,
- Нэг чигийн хөдөлгөөнөөс шалтгаалж тойруу замаар хүрч очдог,
- Орчин тойронд автомашины зогсоол хомсдолтой,
- Явган хүрч очиход хол биш боловч таатай алхах орчин нөхцөл муу,
- Автомашины бөөгнөрөл их, ногоон байгууламж дутмаг,
- Шинээр баригдсан барилгуудын орц үүд хаана байгаа нь ойлгомжгүй гэх мэтчилэн шалтгаанууд байдаг байна.

Төгсгөлд нь нэмж дурдхад, бусад орнуудын өмнөх жишээгээр хотын тээвэр харилцаатай холбоотой асуудлуудад зарцуулж байгаа хөрөнгө оруулалтууд нь НЭГДСЭН ТОДОРХОЙ БОДЛОГО болон хэдэн жилийн дараа ямар байхыг тодорхойлсон ЗОРИЛТОД чиглэгдээгүй тохиолдолд цаашид тасралтгүй үүссээр байх зорчилт хөдөлгөөнтэй холбогдсон асуудлуудыг шийдвэрлэж чадахгүй байдал үргэлжилсээр байдаг юм байна.

Судалгааны зорилго:
Хотын газар ашиглалттай холбогдсон тээврийн хөдөлгөөний талаарх иргэдийн мэдээллийг цуглуулж Улаанбаатар хотын төвийн хэсгийн хөдөлгөөний дүр төрх, түүнтэй холбогдсон өнөөгийн бодит хүндрэлүүдийг тодруулах зорилгоор энэхүү судалгааны асуултуудыг нийтлэж байна.

Оролцогчын талаар хувийн мэдээлэл:
Таны ажил эрхлэлт, нас хүйс гэх мэтчилэн хувийн чанартай мэдээллүүдийг нарийвчилсан биш тойм байдлаар тусгасан бөгөөд тухайн мэдээллүүдийг зөвхөн хөдөлгөөний түр төрхийг тодруулах зорилгоор энэхүү судалгааны ажилд хэрэглэх болно. Судалгаанд оролцогчдын хариултыг давхардуулахгүй үүднээс интернэт сүлжээний хаяг (IP address) -ийн мэдээллийг зөвхөн оролцогчдын тоог тоолох зорилгоор ашиглах бөгөөд, бусдад тараахгүй байх, бусад хэлбэрээр ашиглахгүй байх үүргийг amgalans.com хариуцна.

Хариулт сонгохдоо анхаарах зүйлс:
Зорчилттой холбогдсон асуултуудад хариулахдаа зөвхөн одоогийн (өвлийн) нөхцөл байдлыг харгалзаж бус өнгөрсөн нэг жилийн (2009 оны турш) дөрвөн улиралын турш үргэлжилсэн нөхцөл байдлыг харгалзан таны өдөр тутмын нийтлэг зорчилтод дүйцэхүйц хамгийн их хувь эзлэх боломжтой хариулт сонгохыг хүсье.

1-ээс 9 хүртлэх асуултуудын дугаарын ард сонгосон хариултуудын харгалзах дугаарыг урьдчилан ноорог цаасан дээр (эсвэл компьтер дээр бэлэн байгаа Microsoft Word, Notepad гэх мэтчилэн бичгийн програмуудаа нээгээд) тэмдэглэж авбал хариултаа нийтлэхэд тань хялбар байх болно.
Жишээлбэл:
1 – 4 (1-р асуултын 4-р хариулт)
2 – 10 (2-р асуултын 10-р хариулт) гэх мэтчилэн

Асуулт:

1. Та хэдэн настай вэ? (Харгалзах дугаарыг сонгоно уу)

1. 10 – 20
2. 21 – 25
3. 26 – 30
4. 31 – 35
5. 36 – 40
6. 41 – 45
7. 46 – 50
8. 51 – 55
9. 56 – 60
10. 61 – 65
11. 66 – 70

2. Та ямар салбарт ажилладаг вэ? (Оюутан эсвэл сурагч бол мөн харгалзах дугаарыг сонгоно уу) Зөвхөн нэг хариулт.

1. Ерөнхий боловсролын сургуулийн сурагч
2. Дээд сургууль, коллежийн оюутан
3. Бүх шатны сургуулийн багш, ажилтан
4. Банк санхүү, даатгалын салбарт
5. Барилга угсралтын салбарт
6. Албан байгууллагад (оффисын ажилтан)
7. Төрийн захиргааны албанд
8. Аж үйлдвэрийн салбарт
9. Жижиг дунд үйлдвэрийн салбарт
10. Бөөний худалдааны салбарт
11. Жижиглэн худалдааны салбарт
12. Тээвэр, харилцаа холбооны салбарт
13. Үйлчилгээний салбарт
14. Хувийн бизнэсийн салбарт
15. Хөдөө аж ахуйн салбарт
16. Бусад
17. Ажилгүй

3. Та аль дүүрэгт амьдардаг вэ? (Харгалзах дугаарыг сонгоно уу)

1. Баянгол
2. Баянзүрх
3. Сонгинохайрхан
4. Сүхбаатар
5. Хан-Уул
6. Чингэлтэй

4. Та өдөр бүр ажилдаа (эсвэл сургуульдаа, байнгын ажил эрхэлдэггүй бол гадуур түр хугацааны ажлаар зорчихдоо) явахдаа ихэвчлэн ямар төрлийн тээврийн хэрэгслээр зорчдог вэ?

1. Зөвхөн алхдаг
2. Нийтийн тээврийн том оворын автобусаар
3. Нийтийн тээврийн жижиг (микро автобус) оворын автобусаар
4. Том болон жижиг оворын автобус дамжиж
5. Таксигаар
6. Такси болон автобус дамжиж
7. Автомашинаар (өөрөө жолоодож)
8. Автомашинаар (дайгдаж)
9. Байгууллагын ажилчдын (эсвэл сургуулийн) автобусаар
10. Троллейбусаар
11. Бусад

5. Та өдөр бүр ажилдаа (эсвэл сургуульдаа, байнгын ажил эрхэлдэггүй бол гадуур түр хугацааны ажлаар, худалдаа наймааны зорилгоор зорчихдоо) ирж очихдоо Улаанбаатар хотын төвийн аль хэсэг хүртэл зорчдог вэ? Өөрөөр хэлбэл таны ажил, сургууль, ихэвчлэн очдог газрууд хаана байрладаг вэ? (зурагт үзүүлсэн хэсэгүүдээс дугаарыг сонгоно уу, зураг дээр дарж томоор харах боломжтой)

Зурагт үзүүлсэн хэсэгт таны ажил, сургууль байрладаггүй буюу төвийн хэсгээр зөвхөн дамжин өнгөрдөг бол хариултдаа “1” тоог сонгоно уу.

6. Өдөр бүр ажилдаа (эсвэл сургуульдаа, байнгын ажил эрхэлдэггүй бол гадуур түр хугацааны ажлаар, худалдаа наймааны зорилгоор зорчихдоо) ирж очиход тань Улаанбаатар хотын төвийн аль хэсэгт зорчилт болон тээвэртэй холбогдсон хүндрэлүүд тулгардаг вэ? (зурагт үзүүлсэн хэсэгүүдээс нэн чухал гэж сонгосон байршлуудад харгалзах хоёр дугаар сонгоно уу, зураг дээр дарж томоор харах боломжтой)

7. 6-р асуулттай холбогдсон тухайн хэсэгт ямар төрлийн хүндрэлүүд тулгардаг вэ? Доорх хариултуудаас таны хувьд нэн чухал гэж үзсэн хоёр хариултыг сонгоно уу.

1. Зорчих үедээ маш их цаг зарцуулдаг
2. Замын хөдөлгөөний зохицуулалт хангалтгүй (зам дээрх автомашины түгжрэл ихтэй, гэрлэн дохионы зохицуулалт муу, … гэх мэт)
3. Явган алхах таатай орчин нөхцөл хангалтгүй (тоос шороо ихтэй, автомашины бөөгнөрөл, дуу чимээ ихтэй … гэх мэт)
4. Жолооч хөдөлгөөнд соёлтой оролцдоггүй (замын хөдөлгөөний дүрэм баримталдаггүй, … гэх мэт)
5. Явган зорчигч хөдөлгөөнд соёлтой оролцдоггүй (зам хөндлөн гарахдаа гэрлэн дохиог анхаардаггүй, … гэх мэт)
6. Автомашины зогсоол хангалтгүй (зогсоолын ойролцоо автомашины түгжрэл ихээр үүсдэг)
7. Бусад

8. Зурагт үзүүлсэн хэсэгүүдээс аль хэсэгт хүрч очиход илүү хүндрэлтэй байдаг вэ? (Ажилдаа эсвэл сургуульдаа, байнгын ажил эрхэлдэггүй бол гадуур түр хугацааны ажлаар, амралт зугаалгаар, үзвэр үйлчилгээнд болон худалдаа наймаа хийхээр явахдаа гэх мэтчилэн дурын зорилгоор дурын цагтаа зорчих үед)

9. Ямар шалтгааны улмаас хүндрэлтэй байдаг вэ? Доорх хариултуудаас таны хувьд нэн чухал гэж үзсэн хоёр хариултыг сонгоно уу.

1. Нийтийн тээврийн хүртээмж муу (тухайн чиглэлд хүрэх автобус цөөхөн байдаг, буудал дээр удаан хүлээдэг гэх мэт)
2. Автобусны буудалаас хол (автобуснаас буугаад эсвэл буудал хүртэл удаан хугацаанд алхдаг)
3. Явганаар хүрч очиход хэт хол
4. Явган хүрч очиход хол биш боловч таатай алхах орчин нөхцөл муу байдаг (автомашины бөөгнөрөл их, ногоон байгууламж дутмаг, шинээр баригдсан барилгуудын орц үүд хаана байгаа нь ойлгомжгүй гэх мэтчилэн)
5. Автомашинаар хүрч очиход тойруу замтай (дөт зам байдаггүй, нэг чигийн хөдөлгөөнөөс шалтгаалан тойруу замаар хүрч очдог гэх мэтчилэн)
6. Орчин тойронд автомашины зогсоол хомсдолтой байдаг
7. Бусад

Хариултуудаа хэрхэн нийтлэх вэ?
Цаасан дээр тэмдэглэсэн дугааруудаа нийтлэлийн доод хэсэгт байгаа Leave a reply цонхны сэтгэгдэл бичиж үлдээх хэсэгт хуулж бичээд Submit Comment коммандаар хариултаа нийтлэж оруулна уу. Leave a reply цонх бөглөх үедээ Name гэсэн хэсэгт ямар нэгэн дурын тэмдэгт бичээд Mail (will not be published) болон Website гэсэн хэсгийг хоосон үлдээх боломжтой. Е-mail хаягаа бичсэн тохиолдолд хариулттай хамт бусдад харагдахгүй.

Test буюу туршилтын байдлаар нийтлэсэн эхний жишээ хариултыг харна уу.
Нийтлэгдсэн хариултын сонголтуудад орхигдсон буюу зайлшгүй нэмж оруулах зүйл байвал дэлгэрэнгүй бичиж үлдээгээрэй.

Энэ судалгаанд оролцож өөрийн цаг заваа зарцуулсан танд БАЯРЛАЛАА.

.

.

.

We are living in exceptional times. Scientists tell us that we have 10 years to change the way we live, avert the depletion of natural resources and the catastrophic evolution of the Earth’s climate. The stakes are high for us and our children. Everyone should take part in the effort, and HOME has been conceived to take a message of mobilization out to every human being. For this purpose, HOME needs to be free. A patron, the PPR Group, made this possible. EuropaCorp, the distributor, also pledged not to make any profit because Home is a non-profit film. HOME has been made for you : share it! And act for the planet.

HOME төслийн хүрээнд бүтээгдсэн энэхүү бүтээл нь хөгжил дэвшил өөд тэмүүлсэн 21 зууны завгүй хүн төрөлхтний өмнө эх дэлхий ертөнцийн гоо сайхан, уян нарийн зүй тогтлыг дахин нэг удаа сануулж, цаг үеээ эргэн нэг хархад зориулж бүтээгдсэн дэлгэцийн уран бүтээл юм. Ерөнхий найруулагч Яан Артус Бетранд, туслах найруулагч Люк Бессон (director of Leon! :P) болон PPR Холдингийн хамтын ажиллагааны үр дүнд нийт 54 орныг хамарсан, заримийг нь хүн төрөлхтөн өмнө нь хэзээ ч харж байгаагүй гайхамшигт зураг авалтууд бүхий дэлхийг тойрсон ер бусын “аялал”-ыг хүн бүрт бэлэглэж байна. Аялалын зорилго юу вэ?
Байгаль дэлхий хэрхэн нөхөн төлждөг, хэрхэн нөхөн төлждөггүй зүй тогтол, Байгалийн нөөц баялаг, Хөгжил дэвшил гэж юуг ойлгох хэрэгтэй болоод байгаа, Хүн төрөлхтний хэрэглээ хэрхэн, юунаас болж нэмэгддэг, хувиарлагддаг … энэ мэт өөр хоорондоо уялдаа холбоотой мянга мянган асуултуудад анхаарал хандуулахад “аялал”-ын зорилго чиглэж байна.
Хариултыг нь олох гэж яаран сандрах хэрэггүй, харин хүн бүр хийж байгаа зүйлсээ эргээд нэг удаа ч болов анхааралтай бодоод үзээрэй. Магадгүй та архитектор, эсвэл хот төлөвлөлтийн мэргэжилтэн бол Тогтвортой дизайн, Тогтвортой төлөвлөлт (Sustainable design), Тогтвортой хөгжил (Sustainable development) –ийн асуудлууд дээр дахин нэг удаа таны анхаарал төвлөрөх магад.

Сүүлийн 60 жилийн дотор дэлхийн хүн амын тоо өмнө байснаас ойролцоогоор 3 дахин нэмэгдэж, 2 тэрбум гаруй хүн хот суурин руу шилжин суурьшиж амьдрах болсон байна. Энэ тоон үзүүлэлт огцом өсөлтийг илэрхийлж байна.

Хүн төрөлхтөн одоог хүртэл ундны усны эх үүсвэр бүхий байгалийн орчин нөхцөлд түшиглэн суурьшин амьдарсаар байна. Мартаж болохгүй.

Хүмүүс ихэвчлэн өдөр тутмын амьдралдаа байгалийн нөөц баялагийн талаар бодох чөлөөгүй амьдардаг. Хамгийн энгийн хэрэглээ болох ундны усны талаар анхаарах шаардлагагүй амьдардаг.

Харин 500 сая гаруй хүн ам цөлжиж буй газар нутагт амьдарч байна. Тэд усны үнэ цэнийг сайн мэднэ.

Газар тариалан бол хүн төрөлхтөн байгаль дэлхийг эзэмшиж өөрсдийн өргөн хэрэглээг хангаж эхлэсэн хамгийн анхны үйлдвэрлэл юм.

Газарын тос – эдүүгээ цаг хугацааны шинэ хэмжүүр, өргөн хэрэглээний хөдөлгөгч хүч. Өнөөдрийн дэлхий ертөнцийн цаг хугацаа эдгээр олборлогч татуургуудын хэмнэлт хөдөлгөөний дагуу цохилож байна.

Нью Йорк. Хүн төрөлхтний бүтээн цогцлоосон гайхамшигт “эрчим хүчний тэсрэлтийн үр дүн”.

Энэ бүхний цаана шатахуун, түлш, газрын тос, байгалийн нөөц …

Америк Мөрөөдлийн гайхамшигт жишээ – домогт Лос Анжелес хот. Нийт тээврийн хэрэгслийн тоо хэмжээ нь ойролцоогоор нийт хүн амын тоотой ижил энэ хотод үдэш бүр хэдэн арван мянган үдэшлэг цэнгээн зохион явагддаг.

Токио хот – хүний оюун ухаанаар бүтээн босгож болдог техник технологийн гайхамшигт жишээ. Сая сая хүн ам, зуу зуун тэнгэр баганадсан өндөр барилга, мянга мянган гэрлэн чимэглэл …
Жил ирэх тусам далайн усны түвшин нэмэгдэж буй түгшүүрт тооцоо

1950 оноос одоог хүртэл дэлхий дахинд олон улсын тээвэр эргэлтийн хэмжээ 20 дахин нэмэгдсэн. Дэлхий дээр өдөр бүр хэдэн арван мянган өргөн хэрэглээний бараа бүтээгдэхүүн үйлдвэрлэгч орноос хэрэглэгч орны зүг тасралтгүй тээвэрлэгдэж байна.

Нийт тээвэр худалдааны 90% нь далай тэнгисээр тээвэрлэгдэж, жил бүр 500 сая чингэлэг усан замаар хэрэглэгчид хүргэгдэж байна. Энэ бүхний цаана шатахуун, түлш, газрын тос, байгалийн нөөц …

Жил бүр 13 сая га ой мод устаж үгүй болж байна.

Өнөөдөр дэлхий дээр, хөгжиж байгаа орнуудад зориулж буй нийт зээл тусламжаас даруй 12 дахин их хэмжээний зардлыг зэвсэглэлд зарцуулж байна.

Энэ бүхний цаана шатахуун, түлш, газрын тос, байгалийн нөөц …

Эрүүл ахуйн шаардлага хангахгүй ундны уснаас болж дэлхий дээр өдөр бүр 5000 хүн нас барж байна. 1 тэрбум хүн ундны усны хүрэлцээгүй нөхцөлд аж төрж байна.

Өрсөлдөөн …

Фрейберг – дэлхий дээрх анхны эко дүүрэгт 500 мянган хүн сэргээгдэх эрчим хүчээр өөрийн хэрэглээг хангадаг сууцны барилгуудад аж төрж байна.

Хөгжил дэвшил, Байгаль дэлхий, Хүн төрөлхтөн, 21-р зуун …

Бидний гэр орон болсон эх дэлхий …

Цахим хуудас:  HOME PROJECT
YouTube суваг: HOME PROJECT’S CHANNEL

Хүүхдэд зориулсан зурагт ном, сэтгүүлийн чанарыг сайжруулах, сонирхолтой хэлбэрээр зохиолын утга агуулга, танин мэдэхүйн ач холбогдолтой тодорхой мэдээллийг хүүхдүүдэд хүргэх зорилгоор “Адмон” ХХК, “Моносфарм” ХХК, “Мобиком” корпораци, “Авто тээвэр-5” ХХК, “Алтан тариа” ХХК –уудын хамтран зохион байгуулсан “Хүүхдийн номын зургийн уралдаан - 2003” -д зориулж зурсан “Гурван зуун Тайчуудыг дарсан домог” зурган өгүүллэг.

Зохиогчын эрхийн хуулийн дагуу Зохиогч болон “Адмон” ХХК-ы зөвшөөрөлгүйгээр дээрх бүтээлийг хуулбарлан хэвлэж нийтлэх, бусад зорилгоор ашиглахгүй байхыг хүсье. Ашигийн бус зорилгоор хэвлэн нийтлэх тохиолдолд зохиогчын нэрийг дурдана уу.