amgalan.s

Одоогоос 35 жилийн өмнө New York хотын Seventh Avenue, Times Square at Broadway-д (оршин суугчдын хэлж заншснаар Father Duffy-ийн талбай) Бродвэйн театрын тасалбар худалдаалах мухлаг байгуулагджээ. Мухлагт театрын тасалбар захиалвал хямдралтай үнээр үйлчлүүлэх боломжтой байж. Гэтэл мухлагийн шинэ архитектур төлөвлөлт хийсэн нь жинхэнэ “хямдрал” гэж юу болохыг харуулсан.

1999 онд зарлагдсан зураг төслийн уралдаанд Van Alen Institute –ийн төсөл шалгарснаар энгийн хийцлэлтэй боловч нэмэлт зориулалтуудыг хангаж чадах олон нийтэд зориулсан орон зайг бүрдүүлжээ.

Барилгын анхаарал татсан хамгийн содон хэсэг нь хүмүүс олон нийтийн талбайд чөлөөтэй тухлан суух боломжийг бүрдүүлсэн улаан өнгийн тунгалаг шилэн гишгүүрүүд юм. Тэдгээр гэрэлтдэг улаан гишгүүрүүдийг өнгөлөгдсөн, дулаанд тэсвэртэй, хатуу шилээр хийжээ.

Гишгүүрийн доор шатны хөндийг гэрэлтүүлэх гэрэл байрлана. Хөндлөн дам нурууны хооронд байрлах хөнгөн цагаан халаагчын тусламжтайгаар LED туяа үүсгэдэг бөгөөд мөн барилгыг уснаас хамгаалах зориулалтаар ашиглагддаг.

 Хөнгөн цагаан халаагчын доогуур барилгын төв хэсэгт байрлах халаалтын төхөөрөмжтэй холбогдсон цуваа хоолойнууд байрлана. Эдгээр хоолойнуудын тусламжтайгаар дулаан дамжуулж өвлийн цагт шатны гишгүүрт цас тогтох, хальтаргаа үүсэхээс хамгаалдаг.

Гишгүүрийг доороос нь тулсан шилэн дам нуруунуудыг Австрид бэлтгэж угсарсан байна. Даацын хануудын хоорондох зайг дамнан байрлах тэдгээр дам нуруунуудыг мөн л хатууруулсан шилээр хийсэн.

Үйлдвэрт бэлтгэсэн хатуу хуванцар бүхээг нь хойд хэсэгтээ арван хоёр ширхэг тасалбар худалдаалах цэгүүдтэй.

Халаалт, салхивчын төхөөрөмж бүхий механикийн тоног төхөөрөмжүүд нь мөн л урьдчилсан байдлаар хийж бэлтгэгдсэн бөгөөд өргүүрийн тусламжтайгаар барилгын талбайд суурилуулсан байна. Механикийн төхөөрөмж нь цементэн шалны доор байрлах цагираг хоолойнуудтай холбогдсон байдаг.

Source: Nicholas Leahy, Perkins Eastman, Theater Development Fund

Хүмүүс тасалбар захиалах үйлчилгээг аваад зогсохгүй сууж амрах, хоорондоо харилцах, мэдээлэл авах боломжтой уур амьсгалыг бүрдүүлсэн нь Times Square –ийн дүр төрхийг  илэрхийлэх олон олон зүйлсийн салшгүй нэг хэсэг болсон.

Хөнгөн цагаан хүрээ бүхий доороосоо гэрэлтдэг, улаан өнгийн шатласан шилэн тавцангууд нь өвлийн нөхцөлд хальтаргаа гулгаа үүсгэхгүй байхаар төлөвлөгдсөн. Тавцангийн өндөрлөгдсөн хэсгийн доор хоёр талаараа тунгалаг шилэн хана бүхий тасалбар худалдах 12 мухалаг, оффисын өрөө, механикийн өрөөнүүд байрладаг.

Барилга угсралтын ажил

 Source: Times Square Alliance