amgalan.s
Цахим хуудас хэрэглэгчдийн дунд явуулсан бичил судалгааны асуултуудыг цахим хэлбэрээр долоо хоногийн турш асууж нийт 35 оролцогчын хариултыг хүлээж авлаа.
ЮУНЫ ӨМНӨ ӨӨРИЙН ЦАГ ЗАВАА ЗАРЦУУЛАН ЭНЭХҮҮ СУДАЛГААНД ОРОЛЦСОН ТАНД МАШ ИХ БАЯРЛАЛАА!
Судалгааны асуултууд өргөн хүрээг хамарч чадаагүй, хамрагдсан иргэдийг санамсаргүй хэлбэрээр сонгох боломж бага байсан гэх мэтчилэн арга зүйтэй холбоотой дутагдал байгаа хэдий ч гаргаж авсан тодорхой хэмжээний үр дүнг цаашдын судалгаандаа ашиглах болно.
Зөвхөн цахим хэрэглэгчдийн дунд явагдсан судалгааны дүн гэдэгийг анхаарна уу.
Мөн судалгааны дүгнэлтүүд нь та бидний хэдийнэ сайн мэддэг асуудлууд боловч “ЗОХИСТОЙ ТӨЛӨВЛӨГДСӨН ХОТ ЯМАР БАЙХ ВЭ?” ГЭСЭН АСУУЛТЫН ҮҮДНЭЭС АВЧ ҮЗВЭЛ ХЭРХЭН ХАРАГДАХ талд дөхөм мэдээлэл болоосой гэж дараах товч дүнгэлтүүдийг нийтлэж байна.
Бичил судалгаа (1 сарын 12 - 18, 2010 он)
01 10th, 2010
Танилцуулга:
Хотын тээврийн тогтолцоо нь хот төлөвлөлтийн нэг тулгуур хэсэг юм. Хотын зам тээврийн сүлжээг газар зохион байгуулалттай нягт уялдуулснаар хотын цогц төлөвлөлтийг тодорхойлох, цаашлаад та бидний ирээдүй, байгаль цаг уурт нийцсэн, хүндрэл бэрхшээл багатай, тохирсон хэмжээний өртөг зардал бүхий авто болон явган замын сүлжээний зохистой төлөвлөлтийг тодорхойлох боломжтой юм. Энэ үүднээс явуулж байгаа судалгааны ажлын нэг хэсэг болох дараах туршилтын бичил судалгаанд оролцохыг танаас хүсэж байна.
Хотжилт
01 5th, 2010“Хотжилт” гэж юу вэ?
Эдүүгээ даяарчилагдан буй дэлхий дахин “Хотжилт” гэсэн ойлголтын талаар урьд урьдынхаас ч илүүтэй сонирхон хэлэлцэж, судлах болжээ. Үнэхээр хотжилтын талаар ингэж олон талаас авч үзэж буй нь ямар нэг хийсвэр ойлголт биш бөгөөд зайлшгүй, бодит байдал билээ.
Өндөр хөгжилтэй орнуудын том хотууд аж үйлдвэрийн хувьсгалын үр дүнд үсрэнгүй хөгжиж хотжилтын өндөр түвшинд хүрсэн төдийгүй өнөөдрийн зарим том хотууд хөгжлийн дээд цэгтээ хүрсэн гэгдэж байна. Харин хөгжиж байгаа орнуудын хувьд хотжих үйл явц сүүлийн хэдэн арван жилийн хугацаанд л эрчимжиж иржээ. Олон хүчин зүйлсээс хамааран хаа сайгүй харилцан адилгүй байдагаас өнөөдрийг хүртэл хотжилтын тогтсон тодорхойлолт, хэмжих нэгдсэн хэмжүүрийг олоогүй байна. Угаас нэгдмэл цогц ойлголтыг цөөн тооны хэмжүүрээр тодорхойлж, хэмжих нь дутагдалтай байдаг.
Бөмбөрцөг дээрх шөнийн гэрлүүдийг (2006 оны байдлаар) буулгасан дараах зураг дээрээс бидний ярьж буй сэдэв чухам юу болох талаар ямар нэг хэмжээгээр хялбар байдлаар харж болох юм.
“Орон Гэр” / HOME (2009)
06 11th, 2009
We are living in exceptional times. Scientists tell us that we have 10 years to change the way we live, avert the depletion of natural resources and the catastrophic evolution of the Earth’s climate. The stakes are high for us and our children. Everyone should take part in the effort, and HOME has been conceived to take a message of mobilization out to every human being. For this purpose, HOME needs to be free. A patron, the PPR Group, made this possible. EuropaCorp, the distributor, also pledged not to make any profit because Home is a non-profit film. HOME has been made for you : share it! And act for the planet.
HOME төслийн хүрээнд бүтээгдсэн энэхүү бүтээл нь хөгжил дэвшил өөд тэмүүлсэн 21 зууны завгүй хүн төрөлхтний өмнө эх дэлхий ертөнцийн гоо сайхан, уян нарийн зүй тогтлыг дахин нэг удаа сануулж, цаг үеээ эргэн нэг хархад зориулж бүтээгдсэн дэлгэцийн уран бүтээл юм. Ерөнхий найруулагч Яан Артус Бетранд, туслах найруулагч Люк Бессон (director of Léon) болон PPR Холдингийн хамтын ажиллагааны үр дүнд нийт 54 орныг хамарсан, заримийг нь хүн төрөлхтөн өмнө нь хэзээ ч харж байгаагүй гайхамшигт зураг авалтууд бүхий дэлхийг тойрсон ер бусын “аялал”-ыг хүн бүрт бэлэглэж байна. Аялалын зорилго юу вэ?
Байгаль дэлхий хэрхэн нөхөн төлждөг, хэрхэн нөхөн төлждөггүй зүй тогтол, Байгалийн нөөц баялаг, Хөгжил дэвшил гэж юуг ойлгох хэрэгтэй болоод байгаа, Хүн төрөлхтний хэрэглээ хэрхэн, юунаас болж нэмэгддэг, хувиарлагддаг … энэ мэт өөр хоорондоо уялдаа холбоотой мянга мянган асуултуудад анхаарал хандуулахад “аялал”-ын зорилго чиглэж байна.
Хариултыг нь олох гэж яаран сандрах хэрэггүй, харин хүн бүр хийж байгаа зүйлсээ эргээд нэг удаа ч болов анхааралтай бодоод үзээрэй. Магадгүй та архитектор, эсвэл хот төлөвлөлтийн мэргэжилтэн бол Тогтвортой дизайн, Тогтвортой төлөвлөлт (Sustainable design), Тогтвортой хөгжил (Sustainable development) –ийн асуудлууд дээр дахин нэг удаа таны анхаарал төвлөрөх магад.
Гурван зуун Тайчуудыг дарсан домог
04 10th, 2009
Ле Корбьюзе
04 4th, 2009
Ле Корбьюзе (Le Corbusier) нэрээр дэлхий дахинд алдаршисан Швейцарь-Франц гаралтай архитектор Чарлес Идоуард Жионнере-Гри (Charles-Édouard Jeanneret-Gris), 1887 онд Швейцарын хойт нутгийн жижиг хот болох Ньюшате (Neuchâtel) кантонд мэндлэж хожим нь 30 жилийн дараа Франц улсын иргэн болж, уран бүтээл, бүтээн байгуулалтын нөр их үйл хэргийг хийж бүтээжээ. Тэрээр архитектор төдийгүй цаг үеээсээ түрүүлж алхсан дизайнер, хот төлөвлөгч, зохиолч, зураач, барималч, тавилгын дизайнер бөгөөд өнөө цаг үед “Олон Улсын Хэв Загвар” буюу “Орчин Үеийн Архитектур” хэмээн нэрлэгдэж буй шинэ үеийн архитектурын хэв загварыг үндэслэгчдийн нэг байсан юм.
